საქმის არსი
2026 წლის 25 თებერვალს ი.გ.-ს საქართველოს სახელმწიფო საზღვარზე გადასვლისას, ყოველგვარი სამართლებრივი დასაბუთების გარეშე, უარი ეთქვა ქვეყნის დატოვებაზე. განსაკუთრებით აღსანიშნავია, რომ ამ დროისთვის მას სსიპ პრობაციის ეროვნული სააგენტოს 2026 წლის 23 იანვრის N2/05/6796 წერილის საფუძველზე გაცემული ჰქონდა საზღვარგარეთ გამგზავრების კანონიერი ნებართვა.
სამართლებრივი პრობლემა
საზღვარზე განხორციელებულ ქმედებას არ მიეცა ადმინისტრაციულ-სამართლებრივი აქტის ფორმა და მოქალაქეს არ განემარტა უარის თქმის არც ფაქტობრივი და არც სამართლებრივი საფუძვლები. ეს თავისთავად წარმოადგენს პროცედურული ნორმების უხეშ დარღვევას.
ადმინისტრაციული ორგანოს უმოქმედობა
უარის მიღების შემდეგ, მარწმუნებელმა წერილობით მიმართა შინაგან საქმეთა სამინისტროს განმარტების მოთხოვნით. პასუხი არ მიუღია. 2026 წლის 13 აპრილს განხორციელდა ხელახალი მიმართვა — ადმინისტრაციული აქტის გამოცემის მოთხოვნით. ეს განცხადებაც პასუხგაუცემელი დარჩა. ორი მიმართვის უპასუხოდ დატოვება კანონით განსაზღვრულ “ადმინისტრაციული ორგანოს უმოქმედობას” წარმოადგენს.
სარჩელის მოთხოვნა
სასამართლოს მოეთხოვა შინაგან საქმეთა სამინისტროსთვის დაევალებინა დასაბუთებული ადმინისტრაციულ-სამართლებრივი აქტის გამოცემა — რათა მარწმუნებელს მიეცეს ეფექტიანი სამართლებრივი დაცვის შესაძლებლობა და აღდგეს საქართველოს კონსტიტუციით გარანტირებული მიმოსვლის თავისუფლება.
